काठमाडौँ– बागमती प्रदेश सरकारले आगामी आर्थिक वर्षका लागि नीति तथा कार्यक्रम पेस गरेको छ ।

प्रमुख विष्णुप्रसाद प्रसाईले प्रदेशसभा बैठकमा विहीबार सरकारको नीति तथा कार्यक्रम प्रस्तुत गरेका हुन् । बागमती प्रदेश सरकारले कोरोना रोकथाम तथा नियन्त्रणलाई प्राथमिकता राख्दै नीति तथा कार्यक्रम ल्याएको हो ।

आगामी वर्ष कोरोना संक्रमणको उपचारलाई स्तरीय बनाउन सुविधा सम्पन्न अस्पताल, यन्त्र, उपकरण र जनशक्तिको उचित व्यवस्थापन गरिने प्रदेश सरकारको नीति तथा कार्यक्रममा उल्लेख छ ।

नीति तथा कार्यक्रममा कोभिड–१९ का कारण अभिभावक गुमाएकालाई भत्ता दिने घोषणा गरिएको छ । त्यस्तै यस्तै, ३६९ वटा स्थानीय तहमा ‘एक विद्यालय एक नर्स’ अभियान सञ्चालन गर्ने पनि घोषणा गरिएको छ ।

यस्तै, मेट्रो रेलको सम्भाव्यत्ता अध्ययन, खनिज इन्धनबाट चल्ने सवारी–साधन हटाउँदै विद्युतीय गाडी सञ्चालन गर्ने नीति पनि प्रदेश सरकारले लिने जनाएको छ ।

प्रदेशका सरकारी कार्यालयलाई विद्युतीय सवारी–साधन खरिदमा प्रोत्साहन गरिने पनि नीति तथा कार्यक्रममा समावेश गरिएको छ ।

त्यस्तै यसैगरी, उद्योग तथा पर्यटन क्षेत्रमा पारेको असरलाई समाधान गर्न उद्यमशीलता प्रविधि हस्तान्तरण गर्ने कार्यक्रमलाई थप प्रभावकारी बनाइने उल्लेख छ । कृषि क्षेत्रलाइ पनि नीति तथा कार्यक्रममा प्राथमिकतामा राखिएको प्रदेश प्रमुख प्रसाईले जानकारी दिए ।

यस्तो छ पूर्ण पाठ