काठमाडौँ– गुन्डागर्दीमा संलग्न भई अरूलाई धम्क्याएको आरोपमा प्रहरीले एक जनालाई पक्राउ गरेको छ ।

महानगरीय प्रहरी परिसर काठमाडौँको टोलीले विभिन्न आपराधिक गतिविधिमा संलग्न रहेको उजुरीका आधारमा नुवाकोट लिखु गाउँपालिका घर भएका ३७ वर्षीय सीताराम पुलामी मगरलाई पक्राउ गरेको हो ।

परिसरका प्रवक्ता एसपी रमेश बस्नेतका अनुसार उनी टीकाराम पुलामी मगर र राम पुलामी मगरका नामले पनि चिनिएका थिए।

मगरले काठमाडौँको मनमैजुस्थित लोकतान्त्रिक चोकमा वर्गर हाउस र नुवाकोटमा निर्माण सेवा कम्पनी सञ्चालक गर्दै आएका छन् । निर्माण सेवामा समेत ठेक्कापट्टाका नाममा धम्काउने काम गर्ने गरेको पाइएपछि नियन्त्रणमा लिएको प्रहरीले जनाएको छ ।

उनी विरुद्ध काठमाडौँ र नुवाकोटमा विभिन्न ६ वटा उजुरी परेको प्रहरीले जनाएको छ ।