लसएञ्जल्स–अमेरिकी र्‍यापर र अभिनेता अर्ल सिमन्सको हृदयघातका कारण निधन भएको छ । उनी डीएमएक्स वा डार्क मेन एक्सका रुपमा चिनिन्थे ।

अमर उजालामा प्रकाशित समाचारअनुसार लागुऔषधको ओभरडोजका कारण सिमन्सलाई हृदयघात भएको थियो ।

उनले सन् १९९८ मा र्यान संगीतका साथ आफ्नो करियर सुरुवात गरेका थिए । गीतको लोकप्रियता बताउने बिडलबोर्ड २०० चार्टमा उनको पहिलो स्टुडियो एलबम ‘इट्स डार्क एण्ड हेल इज हट’ले पहिलो स्थान पाएको थियो ।

उनले ‘रफ राइडर्स एन्थम’, ‘गेट एट मी डग’ र ‘स्टप बिइङ ग्रीडी’ जस्ता लोकप्रिय गीत दिए । उनको दुई एलबम ‘द ग्रेट डिप्रेशन’ र ‘ग्राण्ड च्याम्प’लाई दर्शकले निकै मनपराए ।

विगत दुई वर्षदेखि डीएमएक्स मादक पदार्थको सेवनको समस्यामा जुधिरहेका थिए । सन् २०१९ मा यो समस्याबाट मुक्ति पाउनका लागि एक मदिरा सेवन मुक्त केन्द्रमा गएका थिए । जसकारण उनले कैयौं शो रद्द गर्नुपरेको थियो ।