काठमाडौं– सत्ता समीकरणका विषयमा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टी (जसपा)का नेताहरुबीच भेटवार्ता भएको छ।

प्रतिनिधिसभाको बैठकमा सहभागी भएलगत्तै जसपाका अध्यक्ष महन्थ ठाकुर र वरिष्ठ नेता राजेन्द्र महतो माओवादी केन्द्रका अध्यक्ष पुष्पकमल दाहालसहितका नेताहरुसँग भेटवार्ता गर्न पेरिसडाँडा पुगेका थिए।

भेटवार्तमा सहभागी एक नेताका अनुसार सरकार गठनका विषयमा छलफल गर्दै सहकार्य गरेर अघि बढ्नुपर्ने विषयमा नेताहरुबीच छलफल भएको हो ।

मंगलबारमात्रै अध्यक्ष दाहालले नेपाली कांग्रेसका सभापति शेरबहादुर देउवा र जसपाकै संघीय परिषद्का अध्यक्ष डा. बाबुराम भट्टराईसँग भेट गरेका थिए। बुधबार नै जसपाका नेता र एमालेका नेताहरूबीच पनि छलफल भएको थियो।