काठमाडौं–अभिनेता मुकुन भुषाल र अभिनेत्री मेनुका प्रधान अभिनीत फिल्म ‘गणपति’ को छायांकन सकिएको छ । बन्दिपुरबाट छायांकन सुरु भएको फिल्मले हालैमात्र छायांकन पुरा गरेको हो ।

सविन अधिकारी निर्देशित फिल्मको हाल पोस्ट प्रोडक्सनको काम भइरहेको छ । फिल्मको सम्पूर्ण छायांकन तनहुँको बन्दीपुर गाउँपालिका थारुबासमा भएको हो ।

फिल्ममा मुकुन र मेनुकाको अलावा सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, शुशील पोखरेललगायतको अभिनय रहेको छ ।

सविनकै कथा, पटकथा तथा संवाद रहेको फिल्ममा लक्ष्मण थापा, विज्ञान केसी र अरविन्द्र गिरी निर्माता छन् ।

मानिस र भगवानबीचको फरक देखाइने फिल्ममा हरिबहादुर घलेको छायांकन, विक्रम स्वारको कोरियोग्राफी, अनिस अधिकारीले शब्द तथा संगीत छ ।

सन् २०२१ भित्रै रिलिज गर्ने योजना रहेको फिल्मको वितरण गोविन्द शाहीले गर्नेछन् । फिल्मको ओभरसिज राइट स्रित फिल्मस् एण्ड इन्टरटेन्मेन्टले लिएको छ ।