काठमाडौं– अभिनेता आर्यन सिग्देल र अभिनेत्री उपासना सिंह ठकुरीको प्रमुख भूमिकामा अभिनय रहेको फिल्म ‘डिसेम्बर फल्स’को यतिबेला पोखराका विभिन्न स्थानमा छायांकन भइरहेको छ । माघको पहिलो साता छायांकन शुरु भएको फिल्मका केही तस्वीरहरु फिल्मको सुटिङ सेटबाट सार्वजनिक भएका छन् ।

तस्वीरमा आर्यन र उपासनाको विभिन्न भावलाई देखाइएको छ । प्रविण झाको निर्देशन रहेको फिल्ममा सुमन थापा ‘रोहित’, सलोन बस्नेत, दयाराम दाहाल, नरेश भट्टराईलगायतको अभिनय छ । निर्देशक प्रविणले पोखराको केही दिनको सेड्युल सकेलगत्तै काठमाडौंमा दुई साताको समय तालिकामा सुटिङ गरिनेछ ।

रामप्रसाद रिजाल प्रस्तुतकर्ता रहेको फिल्ममा लक्ष्मण रिजाल कार्यकारी निर्माता र राजकुमार भट्ट निर्माता छन् । बिपीका खनालको कथा रहेको फिल्ममा केदार भुषालको पटकथा तथा संवाद र महेश आर गुप्ताको छायांकन छ । फिल्म २०७८ साउन १ गते रिलिज हुनेछ । फिल्मको युट्युब र अष्ट्रेलिया राइट बिक्री भइसकेको छ ।