काठमाडौँ– नेपाल पत्रकार मञ्चको छैठौं महाधिवेशनबाट युवराज विद्रोहीको नेतृत्वमा १७ सदस्यीय नयाँ कार्यसमिति चयन भएको छ ।

पुष २५ गते भर्चुअल माध्यमबाट सम्पन्न उद्घाटन, प्रतिवेदन प्रस्तुति र चुनावी सत्र भएको थियो । आज सीमित व्यक्तिहरुको भौतिक उपस्थितिमा निर्वाचन कार्यक्रम भएको थियो ।

महाधिवेशनबाट उपाध्यक्षमा चन्द्रमणि भट्टराई, महासचिव विमल थापा, सचिवहरु प्रितमसागर कर्माचार्य, लक्ष्मण पन्थी, मनुका कुँवर (महिला) तथा कोषाध्यक्ष कमला नेपाल चयन भएका छन् । यसैगरी सदस्यहरुमा प्रज्ज्वल थापा, राजु भण्डारी, जितेन्द्र श्रेष्ठ, उदयनारायण भट्टराई, पासाङ शेर्पा, श्यामबाबु आचार्य, पवन फुयाँल, रमेशप्रसाद घिमिरे, सरस्वती गौतम र निकिसा बस्नेत चयन भएका छन् ।

महाधिवेशनको उद्घाटन सत्रमा नेपाल पत्रकार महासंघको केन्द्रीय प्रतिनिधिका रुपमा महासचिव रमेश बिष्ट सहभागी थिए । त्यस क्रममा बोल्दै उनले पछिल्लो समय लोकतन्त्र खतरामा पर्ने संकेत देखिएको बताउँदै यस समयमा नेपाली पत्रकारिता चनाखो हुनुपर्ने धारणा राखेका थिए ।