काठमाडौं–गायिका सिर्जु अधिकारी र गायक अर्जुन सुनामको स्वरमा रहेको गीत ‘बिहे भा छैन’ सार्वजनिक भएको छ । गीतमा एसपी सापकोटाको शब्द, हरि लम्सालको संगीत र सरोज श्रेष्ठको एरेञ्ज छ ।

भिडियोमा अभिनेता आकाश श्रेष्ठ र अभिनेत्री पुजा शर्मा फिचर्ड छन् । डान्सिङ नम्बरको भिडियो संगम सिने आर्टको युट्युब च्यानलबाट सार्वजनिक गरिएको हो । भिडियोलाई हालसम्म दुई लाख बढीले हेरिसकेका छन् ।

डान्स क्लबमा खिचिएको भिडियोमा कविराज गहतराजको कोरियोग्राफी र निर्देशन छ । पारस कायस्थको कन्सेप्टमा तयार भएको म्युजिक भिडियोमा छायांकन सुदीप बराल, सम्पादन अर्जुन बिसी र भिएफएक्स सत्यम राणाको रहेको छ ।

संगम बुक्स पब्लिकेशनको अध्यक्षसमेत रहेका गीतका सापकोटाले यसअघि ‘एकै घरका सन्तान हामी’, ‘हिजोसम्म नसोचेको जीवन पाएँ आज’, ‘सबको भलो कर्म गर्न पाए हुन्थ्यो’, ‘मान्छेबाट मान्छे निचा’ जस्ता गीतहरु बजारमा ल्याइसकेका छन् ।