नयाँ दिल्ली- भारतले चीनमा उत्पादित ताररहित उपकरणहरु आयातमा रोक लगाएको छ ।

भारत सरकारले चीनमा उत्पादित ब्लुटुथ स्पिकर, ताररहित इयरफोन, स्मार्टफोन, स्मार्टवाच, ल्यापटप जस्ता तारहित उपकरणहरु आयातमा रोक लगाएको हो ।

भारतले यस्ता सामाग्री आयातका विषयमा निर्णय रोकेर चीनमा उत्पादित विद्युतीय ताररहित उपकरणमा रोक लगाउन चाहको विश्लेषण गरिएके छ ।

भारत सरकारले यस विषयमा निर्णय नगरेर चीनमा उत्पादित सिओमी, ओप्पो, भिभो, लिनोभो जस्ता विद्युतीय उपकरणहरु बजारमा प्रक्षेपण हुन ढिलाई भइरहेको छ ।

भारतमा सुचना मन्त्रालय अन्तर्गत वायरलेस प्लानिङ एण्ड कोअर्डिनेसन ( डब्लुपीसी )विभागले गत नोभेम्बर यता यस्ता उपकरण आयातको विषय स्वीकृत गर्न रोकिरहेको छ ।

डब्लुपीसीले यस विषयमा निर्णय नगरेका कारण ८० वटा भन्दा धेरै अमेरिकी, चिनियाँ तथा कोरियाली आवेदनहरु रोकिएका छन् ।

सरकारले यस विषयमा औद्योगिक समूह तथा व्यात्तिगत कम्पनीहरुको प्रतिनिधित्वलाई सम्बोधन गर्न बाँकी नै रहेको बताएको छ ।

भारतीय प्रधानमन्त्री नरेन्द्र मोदी सरकारमा आएपछि भारतले आर्थिक आत्मनिर्भरतामा जोड दिँदै चीनबाट हुने आयातविरुद्ध कठोर नीति अपनाउँदै आएको छ । स्रोत- अल जजिरा