काठमाडौँ– प्रदेश १ सरकारले कोभिड–१९ विरुद्धको खोप खरिदका लागि अनुमति दिन संघीय सरकारसँग आग्रह गरेको छ । प्रदेश १ की सामाजिक विकास मन्त्री उषाकला राईले खोप खरिदका लागि अनुमति दिन केन्द्र सरकारलाई आग्रह गरेकी हुन् ।
स्वास्थ्य तथा जनसंख्या मन्त्रालयले गरेको भर्चुअल बैठकमा मन्त्री राईले खोप खरिदका लागि अनुमति दिए तत्काल प्रक्रिया अघि बढाउने बताइन् । उनले भनिन्, ‘केन्द्रले प्रबन्ध गर्न नसक्ने भए प्रदेशलाई खरिदको अनुमति दिनुहोस् ।’
प्रदेश १ का दुर्गम स्थानमा कोरोना संक्रमण फैलिंदै गएकाले नियन्त्रणमा प्रदेश सरकार लागेको भन्दै उनले खोप नहुँदा काम गर्न ढिलो भएको बताइन् ।
प्रतिक्रिया