काठमाडौँ- स्टार खेलाडी नेयमारको उत्कृष्ट प्रदर्शनमा ब्राजिलले फिफा विश्वकप छनौटमा लगातार छैटौँ जित निकालेको छ ।
दक्षिण अमेरिकी छनोट अन्तर्गत बुधबार पाराग्वेलाई २-० गोलले पराजित गर्दै ब्राजिलको अपराजित यात्रा कायम राखेको हो ।
ब्राजिलको जितमा नेयमार र लुकास पाक्वेटाले एक/एक गोल गरे । खेलको चौथो मिनेटमा गाब्रियल जिससको पासमा नेयमारले गोल गर्दै टिमलाई अग्रता दिलाएका थिए ।
त्यसपछि खेलको इन्जुरी समयमा नेयमारको पासमा लुकासले गोल गर्दै ब्राजिललाई २-० को जित दिलाए । जितसँगै ब्राजिल ६ खेलमा १८ अंकसहित तालिकाको शीर्ष स्थानमा छ । पाराग्वे ६ खेलमा ७ अंक जोडेर छैटौँ स्थानमा छ ।
प्रतिक्रिया