कतिपय वृद्धहरुमा डिप्रेसन हुने गरेको पाइएको छ । परिवारका सदस्य सबै कामकाजकालागि बाहिर जादाँ दिनभर घरमा एक्लै हुदाँ र काममा गएकाहरु पनि घरमा फर्केपछि उनीहरुसँग समय नबिताउदा वृद्धहरुमा डिप्रेसन हुने गर्दछ । अझ वृद्ध एकल पुरुष वा महिलामा यो समस्या बढि मात्रामा हुने गर्दछ ।

वृद्धहरुमा हुने डिप्रेसनको समाधान वा उपचारमा भने नातिनातिना सहायक हुने गर्दछन् । एक अनुसन्धान अनुसार, घरमा आफ्ना नातिनातिना भएका वृद्ध हजुरबुवा हजुरआमाहरुमा डिप्रेसनको समस्या अत्यन्त कम पाइएको छ । नातिनातिनासंग घनिष्ठ सम्बन्ध राख्ने वृद्धहरु डिप्रेसनबाट मुक्त हुने देखिएको छ ।

अमेरिकाको बोस्टन कलेजस्थित समाजशास्त्र विभागद्वारा गरेको अध्ययनमा आफ्ना नातिनातिनासँग खेल्ने, रमाइलो गर्ने पाकाहरूको मानसिक स्वास्थ्यमा यस्तो दिनचर्याको सकारात्मक प्रभाव पार्ने गर्छ । जसका कारण उनीहरुमा डिप्रेसन हुन पाउँदैन ।

वृद्धमा हुने डिप्रेसन हटाउन नातिनातिना सानै हुनुपर्छ भन्ने छैन । जुनै उमेरका भए पनि उनीहरूसँग हाँसखेल गर्न सकेमा, नातिनातिनासँग रमाउनेहरूमा उमेर बढ्दासमेत हौसला, उत्साह, उमंग गुम्न पाउँदैन । जसका कारण उनीहरुमा डिप्रेसन हुन नपाउने अध्ययनले देखाएको छ ।