काठमाडौं– यस वर्षको ‘रत्न श्रेष्ठ पुरस्कार’ चन्द्रप्रकाश बानियाँको निबन्ध संग्रह ‘भौज्याहा’लाई प्रदान गरिने भएको छ । शान्ति निरुपक मण्डलले उक्त पुरस्कार चन्द्रको कृतिलाई दिने निर्णय गरेको हो । यो पुरस्कारको राशी ५० हजार रुपैंयाँ रहेको छ ।

मण्डलले डा. प्रमोद ढकालको ‘पूर्वीय दर्शनको पुर्नव्याख्या’लाई २५ हजार रुपैंयाँ राशीको ‘रत्न श्रेष्ठ प्रादेशिक पुरस्कार’ र महेश्वर पन्तको उपन्यास ‘फुर्लुङ’लाई १५ हजार रुपैंयाँ राशीको ‘धवलागिरी प्रतिभा पुरस्कार’ प्रदान गर्ने निर्णय गरेको छ ।

पुरस्कार आगामी फागुन ७ गते स्व.रत्नकुमारी श्रेष्ठको १ सय १३ औँ जन्मजयन्ती तथा ४४ औँ स्मृति दिवसका दिन प्रदान गरिनेछ । लेखक बानियाँको कृति ‘महारानी’ले २०७६ सालको ‘मदन पुरस्कार’ पाइसकेको छ ।