आज कार्तिक २५ गते शनिबार, सफला एकादशी परेको छ । पौष कृष्ण एकादशीका दिन पर्ने यस एकादशीको व्रत राखेमा आयु र स्वास्थ्यको रक्षा हुने मान्यता छ ।

साथै सफला एकादशीको व्रतले श्री हरिको कृपा प्राप्त हुने र व्यक्तिको जीवनमा भौतिक सम्पन्नता प्राप्त हुने धार्मिक मान्यता छ ।

कसरी गर्ने व्रत ?
बिहान वा साझँमा श्री हरि विष्णुको पूजा गर्नु पर्दछ । निधारमा सेतो चन्दन वा गोपी चन्दन लगाएर श्री हरिको पूजा गर्नुपर्दछ । भगवान विष्णुलाई पञ्चामृत, फूल र ऋतु अनुसारको फल अर्पित गर्नु पर्दछ । सके २ बेला नसके एक वेला व्रत बस्तु पर्दछ । व्रत गर्न नसक्नेले पूर्ण सात्विक आहार ग्रहण गर्नु पर्दछ । साझँ आहार ग्रहण गर्नुअघि पानीमा दीपदान गर्नु पर्दछ ।

व्रतको लाभ के हुन्छ ?
१. यस व्रतको दिन न्यानो कपडा, अन्नको दान गरे शुभ फल प्राप्त हुने मान्यता छ ।

२. श्री हरिलाई अर्पण गरेको मौसम अनुसारका फल प्रसादका रूपमा ग्रहण गरे रोगी व्यक्ति स्वस्थ हुने मान्यता छ ।

३. श्री हरि की पूजामा अनिवार्य लक्ष्मीजीका साथ गर्नुपर्दछ । यसो गर्नाले दाम्पत्य जीवन सुखद हुने र अविवाहितहरुको विवाह चाँडै हुनेछ ।

४. श्री हरिलाई चाँदीको पात्रबाट पञ्चामृत अर्पित गरेमा हरी प्रसन्न भई घरमा श्रीसम्पती प्राप्त हुने मान्यता छ ।

५. रेशमको पहेलो धागो श्री हरिलाई अर्पित गरी “रां रामाय नमः“ को १०८ पटक जाप गरेर दाहिने हातमा बाधेमा हरेक काम सम्पन्न हुने मान्यता छ ।