एजेन्सी- घरेलु टिम यूएईले आयरल्याण्डविरुद्धको चार खेलको वानडे सिरिजमा अग्रता लिएको छ ।

आबुधाबीमा शुक्रबार भएको पहिलो एकदिवसीयमा यूएईले आयरल्याण्डलाई ६ विकेटले पराजित गरेको हो ।

आयरल्याण्डले दिएको २ सय ७० रनको लक्ष्य यूएईले ४९ ओभरमा मात्र ४ विकेट गुमाएर पूरा गर्‍यो ।

यूएईको जितमा चुन्दानगापोयिल रिजवान र मुहमद उस्मानले शतकीय इनिङ्स खेले ।

रिजवानले १ सय ९ रन बनाउँदा उस्मानले अविजित १ सय १ रन बनाए । वाहिद अहमेदले अविजित १८ र जवार फारिडले १५ रन बनाए । आयरल्याण्डका बारी म्याककर्थी र कुर्टिस काम्फरले २/२ विकेट लिए ।

यसअघि टस जितेर पहिले ब्याटिङ गरेको आयरल्याण्डले ५० ओभरमा ५ विकेट गुमाएर २ सय ६९ रन बनाएको थियो ।

आयरल्याण्डका पाउल स्ट्रर्लिङले अविजित रहदै १ सय ३१ रनको शतकीय इनिङ्स खेले । एन्डी बल्ब्रिनेले ५३ तथा कुर्टिसले २४ रन बनाए । यूएईका रोहन मुस्तफाले २ विकेट लिए ।

जितसँगै चार खेलको सिरिजमा यूएईले १-० को अग्रता बनाएको छ ।