काठमाडौं– फिल्म ‘जन्म जन्म’ को गीत ‘पिरती बस्यो’को रिमेक भर्सन सार्वजनिक भएको छ । रिमेक भर्सनमा गायिका अञ्जु पन्तको स्वर छ । जबकी यसको ओरिजिनल भर्सनमा भारतीय गायिका साधना सरगमको स्वर सुन्न सकिन्छ ।
शितल नेपालको शब्द रहेको गीतमा शुभबहादुर सुनामको संगीत छ । गीतको भिडियोमा अभिनेत्री आशा पौडेल चन्द कौशिक र अभिनेता यसराज गराचले अभिनय गरेका छन् ।
विभिन्न फिल्ममा अभिनय गरेकी अभिनेत्री आशा एकदशकपछि अभिनयमा फर्किएकी छिन् । भिडियोमा केशवराज भट्टको कोरियोग्राफी तथा निर्देशन रहेको भिडियोमा सौरभ लामाको छायांकन, दिनसन शाहको सम्पादन र कृष्ण रुपाखेतीको क्रिएटिभ हेड छ ।
भिडियो आई क्याच स्टुडियोको अफिसियल च्यानलबाट रिलिज गरिएको छ ।
प्रतिक्रिया