काठमाडौँ– राष्ट्रिय प्रजातन्त्र पार्टी (राप्रपा)ले खोपमा कमिसन खोज्नेलाई कारबाही गर्न र तत्काल खोप आपूर्ति गर्न माग गरेको छ ।

राप्रपा अध्यक्षत्रय पशुपति शम्शेर जबरा, डा. प्रकाशचन्द्र लोहनी र कमल थापाले संयुक्त विज्ञप्ति जारी गरी कमिसनको चलखेलका कारण खोपको आयात रोकिएको भन्ने खबर सबैलाई आक्रोषित बनाएको जनाएका छन् । ‘संकटको यो समयलाई पनि नाफा आर्जनको मौकाको रुपमा लिइनु अमानवीय र व्यवसायीक धर्म विपरितको कार्य हो,’ राप्रपाले भनेको छ, ‘जनस्वास्थ्यमा खेलबाड गर्ने कमिशनखोरलाई तत्काल छानबिन र कारबाही गरी खोप सहज आपूर्ति गर्न राप्रपा माग गर्दछ ।’

यस्तै, राप्रपा हेलिकप्टरको भाडा बृद्धि, अत्यवाश्यक औषधि, अक्सिजनको कालोबजारी रोक्न पनि सरकारसँग माग गरेको छ । संक्रमणबाट जोगिनका लागि स्वास्थ्य मापदण्ड पालना गर्न राप्रपाले सबैमा अपील गरेको छ ।

यस्तो छ राप्रपाको विज्ञप्ति