काठमाडौँ – कोरोना भाइरस महामारीका कारण फ्रान्समा फेरि लागू गरिएको लकडाउनका कारण फ्रेन्च ओपन टेनिस प्रतियोगिताको समय एक साता पछि सरेको छ ।
लकडाउनको अवधि समाप्त भएपछि दर्शकले स्टेडियममा बसेर खेल हेर्न पाउने अनुमति प्राप्त हुन सक्ने अपेक्षा गरिएको छ ।
पछिल्लो समय कोरोना संक्रमण फेरि बढ्दै गएको अवस्थामा केही दिन प्रतियोगिताको समय पछि सार्नु नै उपयुक्त सावधानी हुने देखिएकाले यस्तो निर्णय लिइएको फ्रेन्च टेनिस फेडरेशनले जनाएको छ ।
रोलान्ड गर्रोसको नामले समेत परिचित यो ग्राण्डस्लाम प्रतियोगिता अब आगामी ३० मे देखि १३ जुनसम्म हुने छ । यसअघि यो प्रतियोगिता २३ मे देखि शुरू हुने तालिका तय भएको थियो ।
प्रतिक्रिया