मुम्बई– बलिउड फिल्मले देशसँगै विदेशमा आफ्नो विशेष पहिचान बनाएको छ । बलिउडको पाकिस्तानमा पनि राम्रो पकड छ ।

भारतीय फिल्महरु छिमेकी देशमा रिलिज हुँदा निर्माताहरु मालामाल हुने गरेका छन् । बलिउडका दर्शकमाझ जस्तै पाकिस्तानी दर्शकमाझ पनि राम्रो पकड छ ।

बलिउडमा यस्ता केही स्टारहरु छन्, जसलाई पाकिस्तानी दर्शकले पटक्कै मनपराउदैनन् । अमर उजालाले यस्तै स्टारहरुको एक सूची तयार पारेको छ ।

बलिउड अभिनेता सुनील सेठ्ठीलाई पाकिस्तानी दर्शकले मनपराउदैनन् । उनले फिल्म ‘मे हुँ ना’मा एक सेनाको भूमिकामा अभिनय गरेका थिए ।

जसले निर्दोष पाकिस्तानी नागरिकको हत्या गरेको थियो । यो दृश्यपछि पाकिस्तानी दर्शकले सुनील अभिनित फिल्म हर्न करिब करिब छाडेका छन् ।

‘गदरः एक प्रेम कथा’, ‘इण्डियन’, ‘माँ तुझे सलाम’ र ‘बोर्डर’ जस्ता हिट फिल्ममा अभिनय गरिसकेका अभिनेता सनी देओल पाकिस्तानी दर्शकले मननपराउने दोस्रो अभिनेता हुन् ।

पाकिस्तानी दर्शकहरुमा सनीको फिल्ममा ध्रुवीकरण र प्रत्यक्ष तथा अप्रत्यक्ष रुपमा आफ्नो देशलाई खलनायकका रुपमा देखाउने गरेको बुझाई छ ।

बलिउडमा लामो समयसम्म देशभक्तिपूर्ण फिल्ममा अभिनय गर्ने अभिनेताका रुपमा अक्षय कुमार चिनिन्छन् । उनी हरेक वर्ष समय–समयमा भारतीय सुरक्षाकर्मीका लागि करोडौं रुपैंयाँ खर्च गर्छन् ।

यहीकारण अक्षयको फिल्म पाकिस्तानीमा रिलिज प्रायः हुँदैन । उनीप्रति पाकिस्तानी दर्शकको धारणा कहिल्यै सकारात्मक हुन सकेनन् ।

अभिनेता बिक्की कौशलको फिल्म ‘उरी द सर्जिकल स्ट्राइक’ एक ब्लकबस्टर फिल्म बन्यो । यो फिल्ममा पाकिस्तानलाई निकै खराब छवियुक्त देशका रुपमा देखाइएको थियो ।

फिल्ममा कुन तरिकाले पाकिस्तानसँग भारतले सर्जिकल स्ट्राइकको बदला लियो भन्ने देखाइएको थियो । त्यहीकारण यो फिल्मलाई पाकिस्तानमा प्रतिबन्ध लगाइयो । फिल्ममा प्रतिबन्ध मात्र लागेन, विक्कीलाई पाकिस्तानी दर्शकले मनपराएनन् ।