मुम्बई(दैनिक जागरण)– बलिउड अभिनेता रजत बेदीविरुद्ध ‘हिट एण्ड रन’ मुद्धा दर्ता भएको छ । उनीविरुद्ध मुम्बईको डीएन नगर पुलिस स्टेसनमा आफ्नो कारले एक व्यक्तिलाई ठक्कर दिएको आरोपसहित उजुरी परेको हो ।

रजतले ‘मचाए शोर’, ‘कोई मिल गया’, ‘पार्टनर’ र ‘अक्सर’ सहित कैयौं फिल्ममा अभिनय गरेका छन् । समाचारअनुसार रजतले अँधेरीमा आफ्नो कारले एक व्यक्तिलाई ठक्कर दिएका थिए ।

ठक्कर दिएपछि रजतले घाइते व्यक्तिलाई उपचारका लागि कुपर अस्पताल पुर्याएर भर्ना गराएका थिए । अभिनेताले पीडितको परिवारलाई घाइतेको उपचार गर्ने आश्वासन दिएका थिए । तर अस्पतालमा भर्ना गरेपछि उनी फर्किएर आएनन् ।

त्यसपछि पीडितको परिवारले अभिनेताविरुद्ध डीएन नगर पुलिस स्टेसनमा उजुरी दर्ता गरेका हुन् । यो घटना मंगलबार बिहान करिब साढे ६ बजेको समयमा शीतला देवी मन्दिरमा भएको थियो । जतिबेला रजत आफ्नो घर गइरहेका थिए । उनको कारबाट घाइते हुने व्यक्तिको नाम राजेश बुध हो, जो ४० वर्षका छन् ।

राजत हालका दिनमा फिल्मबाट टाढिएका छन् । यद्यपि उनले कैयौं ठूला स्टारका साथ अभिनय गरेर बलिउडमा आफ्नो विशेष स्थान बनाएका थिए । उनले बलिउडमा आफ्नो करियरको सुरुवात सन् १९९८ को फिल्म ‘साल २००१’बाट गरेका थिए । उनी फिल्ममा भिलेन चरित्रमा लोकप्रिय थिए ।