डरलाग्दो कथा
कपाल काट्न सैलुन पुगेको ग्राहक हजामसँग ए दाई तिमी किन सधैँ मेरो कपाल काट्नु अघि डरलाग्दो डरलाग्दो कथा सुनाउँछौ ?

हजाम : डरलाग्दो कथा सुनाउँदा तपाईंको कपाल ठाडो ठाडो हुन्छ अनि मलाई काट्न सजिलो हुन्छ नि त ।

चाडबाडको बेला
लोग्ने : चाडबाडको बेलामा पनि दालभात मात्रै ? अरु पनि च्वाइस् बनाउनुपर्छ नि ।
स्वास्नी : डार्लिङ, लौ छ त नि च्वाइस् ।
लोग्ने : खै के छ त अरु च्वाइस् ?
स्वास्नी : एउटा च्वाइस् तपाईं खाए आनुहोस्, अर्को च्वाइस् तपाईं नखाए नखानुस् ।

मेरी श्रीमतीलाई
प्रेमिका : कसैलाई देखेर तिम्रो मनमा फेरि एकपटक कुमार बन्न पाए हुन्थ्यो जस्तो लाग्दैन ?
प्रेमी : लाग्छ नि डार्लिङ ।
प्रेमिका : (रिसाउँदै) कसलाई देखेर हँ ?
प्रेमी : मेरी श्रीमतीलाई ।

साभार : ‘भद्रगोल, हँसाउने चुट्किला’ पुस्तकबाट