काठमाडौँ– अमेरिका सरकारले कोभिड–१९ का बिरामीलाई श्वासप्रश्वासमा सहयोग गर्ने ‘सिम्याप’ उपकरण १ सय २५ थान सहयोग गरेको छ ।

स्वास्थ्य सेवा विभागमा सोमबार आयोजित कार्यक्रम अमेरिकन राजदूतावासका प्रतिनिधिले उक्त सामग्री हस्तान्तरण गरेका हुन् । स्वास्थ्य सेवा विभागका आपूर्ति शाखाका प्रमुख उपेन्द्र ढकालले सामग्री ग्रहण गरे ।

‘सिप्याप’ ले कोभिड-१९ संक्रमितलाई श्‍वासप्रश्‍वासमा समस्या भए श्‍वास लिनका लागि सहयोग गर्ने ढकालले जानकारी दिए । विशेष गरी भेन्टिलेटर अभाव भएका ठाउँमा यसको प्रयोग गरिने हुने उनले बताए ।

यसअघि पनि अमेरिकाले स्वास्थ्य सामग्री सहयोग गरेको थियो । भर्खरै मात्र पनि कोभ्याक्स खोप कार्यक्रम अन्तर्गत नेपालसहितका मुलुकलाई खोप दिने घोषणा गरिसकेको छ ।