मुम्बई–अभिनेत्री जान्हवी कपूर केही समय अघि एक च्याट शोमा देखिएकी थिइन् । यो शोमा उनी बहिनी खुशी कपूरका साथ उपस्थित थिइन् ।

एबीपी लाइभका अनुसार शोमा उनले कैयौं प्रश्नको जवाफ दिइन् । एक प्रश्न उनको र अभिनेता इशान खट्टरबीचको कथित अफेयरसँग पनि जोडिएको थियो ।

अफेयरको प्रश्नमा उनले इशानसँग आफ्नो कुनै अफेयर नभएको बताएकी थिइन् । उनले इशान आफ्नो साथी तारा सुतारियाको जोडी बनेको हेर्न चाहेको खुलाइन् ।

च्याट शोमा जान्हवीलाई ‘तपाईं कुन अभिनेतालाई चुम्न चाहनुहुन्छ ?’ भनेर प्रश्न सोधिएको थियो । उनले आफू अभिनेता विक्की कौशलसँग चुम्बन दृश्य दिन तयार रहेको बताएपछि यसले खुबै चर्चा पाएको थियो ।

जान्हवी र विक्कीले फौज र देशभक्तिमा आधारित फिल्ममा काम गरेका छन् । विक्की ‘उरीः द सर्जिकल स्ट्राइक’मा देखिएका थिए भने जान्हवीले ‘गुञ्जन सक्सेनः द कारगिल गर्ल’मा अभिनय गरेकी थिइन् ।