काठमाडौँ– मुगुको सोरु गाउँपालिका–९ की ९ वर्षीया लक्ष्मी चौलागाईंको बलात्कारपछि हत्या भएको घटनामा संलग्न अपराधीलाई फाँसीको सजाय माग गर्दै काठमाडौंमा विरोध प्रदर्शन भएको छ ।

बुधबार काठमाडौंको माइतीघरमा सहभागी विद्यार्थीहरुले लक्ष्मी चौलागाईको हत्यामा संलग्न अपराधीलाई फासीको सजाय माग गर्दै विरोध प्रदर्शन गरेका हुन् ।

उनीहरुले ‘संविधानमा टाँसी दे, अपराधीलाई फाँसी दे’, ‘वी वान्ट जस्टिस’, ‘मुगु हत्या छानविन गर’ भन्दै चर्को नाराबाजी गरेका थिन् ।

त्यस्तै, प्रदर्शनमा सहभागीहरुले ‘बलात्कारीलाई फाँसी दे’, ‘परिवारलाई उचित क्षतिपूर्तिसहित न्याय दे’, लगायतका प्लेकार्ड बोकेका थिए ।

यही चैत २१ गते सोरु गाउँपालिका–९ कैलालीकी ९ वर्षीया लक्ष्मी चौलागाईंको हत्या भएको थियो ।