काठमाडौँ– मुक्तिनाथ विकास बैंक लि.ले आफ्ना भिसा डेबिट कार्डवाहक ग्राहकहरुलाई थप सेवा दिन बुढानिलकण्ठस्थित होटल सबरीनासँग विभिन्न सेवामा विशेष छुट प्रदान गर्ने सम्झौता गरेको छ ।

ग्राहकले मुक्तिनाथ विकास बैंकका भिषा डेविट कार्डवाहक ग्राहकहरुले होटल सबरीनाबाट होटल बसाई, खाना, बेबरेज, बेकरी तथा सोनाको सेवा लिदा १०% सम्म छुट प्राप्त गर्न बैंकले जारी गरेको विज्ञप्तिमा भनिएको छ ।

विकास बैंकले डिजिटल कारोबारलाई प्रोत्साहन गर्न यस्तो योजना ल्याएको बताएको छ । बैंकका अनुसार भिजा नेटवर्कमार्फत जुनसुकै बैंकको एटिएमबाट पनि विना कुनै शुल्क रकम तिर्न सकिनेछ ।

त्यसै गरी मोबाइल बैंकिङ, क्यूआर कोड स्क्यान, अनलाईन कर्जा आवेदन, अनलाईन खाता खोल्ने, ईन्टरनेट बैंकिङ्ग, खाता मै रेमिट्यान्स जम्मा आदि जस्ता कार्यहरु बैंकको शाखामा उपस्थित नभई घरबाट गर्न सकिने समेत व्यवस्था गरिएको छ ।