काठमाडौँ- एक पटक एक शिकारीले जिउँदै चील समात्यो । बाटोमा हिँड्दै गर्दा शिकारीसँग चीलले भन्यो— म तिमीलाई दुईवटा कुराको शिक्षा दिन्छु । ध्यान दिएर सुन ।

पहिलो, सोचविचार नगरी कहिल्यै पनि कसैको कुरामाथि विश्वास नगर्नु र दोस्रो, कुनै कुरा हातबाट फुत्क्यो भने त्यसको लागि दुःखी नहुनू ।

अलि पर पुगेपछि चीलले भन्यो— थाहा छ, मेरो पेटमा हीरा छ । तिमीले मलाई यो जालबाट निकाल्यौ भने तिमीलाई म यो दिनेछु ।

चीलको कुरामाथि विश्वास गरेर शिकारीले उसलाई छोडिदियो । शिकारीले हीराको लोभमा चीलको शिक्षा बिर्स्यो । चील शिकारीको जालबाट मुक्त भएर एउटा रुखमाथि हाँगामा बस्यो ।

उसले शिकारीलाई भन्यो, ‘मूर्ख ! तिमीले हीरा विषालु हुन्छ भनेर सोच्नुपर्थ्यो । मेरो पेटमा हीरा भएको भए म मर्दिनँ थिए होला तर तिमीले लोभमा आएर मेरो पहिलो शिक्षा बिर्सियौ ।’

चीलको कुरा सुनेर शिकारी दुःखी भयो । चीलले फेरि थप्यो— मूर्ख ! तिमीले मेरो दोस्रो शिक्षालाई पनि बिर्सियौ ।

यति भनेर चील उड्यो । शिकारीका आँखाले चीललाई टाढासम्म पछ्याइरहे ।

साभारः ‘विश्वका उत्कृष्ट प्रेरक प्रसङ्गहरु’ पुस्तकबाट