काठमाडौँ– नेपाल कम्युनिष्ट पार्टीका महासचिव नेत्र विक्रम चन्द ‘विप्लव’ले संघीय संसदका पूर्वसभामुख कृष्णबहादुर महरालाई भेटेका छन् ।

आज बिहान महरालाई भेट्न विप्लव महरानिवास पुगेका थिए । तत्कालिन माओवादीले गरेको १० वर्षे जनआन्दोलनका क्रममा महरा र विप्लव साथी समेत थिए ।

फागुन २१ गते शुक्रवार भूमिगत राजनीतिबाट सार्वजनिक भएसँगै विप्लवले भेटवार्तालाई बढाएका छन् ।

नेकपा प्रचण्ड नेपाल समूहका अध्यक्षद्वय पुष्पकमल दाहाल प्रचण्डले आफ्नो समूहमा आउन विप्लवलाई आग्रह गरिरहँदा प्रचण्ड निकट महरालाई भेट्नुलाई अर्थपूर्ण तरिकाले हेरिएको छ ।

आपराधिक गतिविधि बढाएको भन्दै सरकारले २०७५ साल फागुन २८ गते प्रतिवन्ध लगाएको थियो । सरकारसँग वार्ता गर्ने भएसँगै विप्लव समूहमाथिको प्रतिवन्ध समेत फुकुवा गरिएको छ ।