मुम्बई(अमर उजाला)– बलिउडका दिग्गज अभिनेता अमिताभ बच्चनबाट एक फिल्मका लागि उत्कृष्ट दृश्य लिन निर्देशकले उनलाई ४५ टेक लिएका छन् । करिब दुई घण्टाको अथक प्रयासपछि यो दृश्यको छायांकन पुरा भएको हो ।

प्रख्यात फिल्म ‘शराबी’का लागि अमिताभले यो कडा मेहनत गरेका हुन् । सन् १९८४ मा रिलिज यो फिल्मको निर्देशन प्रकाश मेहराले गरेका थिए । फिल्मको संवाद कादर खानले र संगीत बप्पी लहरीले दिएका थिए । फिल्मको एक संवाद ‘शराबकी बोतल पर अगर में लेबल की तरह चिपक गया हुँ, तो इस लेबल को चिपकाने वाले आप हैं’ अहिले पनि उत्तिकै लोकप्रिय छ ।

यो फिल्म अघि अमिताभ र प्रकाशको जोडी ‘जञ्जीर’मा हिट भएका थिए । यसपछि पुनः उनीहरुले ‘शराबी’मा सहकार्य गरेका हुन् । फिल्ममा अमिताभ एक धनी बाबुका छोरा हुन्छन् । उनका पिताको भूमिका प्राणले निभाएका थिए ।

फिल्मको एक दृश्यमा प्राण छोरा अमिताभको पार्टीमा कुनै एक पाहुनालाई भेटाउछन् । प्राणले भेटाएका व्यक्तिलाई अमिताभले अंकमाल गर्छन् । दृश्यमा अमिताभ र दारुवालाको स्वर नमिलेपछि उनले पटक पटक रिटेक लिनु परेको थियो । फिल्ममा दुुवैको आवाज मिलाउनको लागि निर्देशकलाई निकै हम्मे परेको थियो ।