काठमाडौँ– नेपाली कांग्रेसका पूर्वमहामन्त्री प्रकाशमान सिंहले सरकारले अभिव्यक्ति स्वतन्त्रतामाथि अंकुश लगाउन खोजेको भन्दै आपत्ति जनाएका छन् । देउवा सरकारले मित्रराष्ट्रका प्रधानमन्त्री तथा विदेशी लगानीका आयोजनाका प्रतिनिधिको विरोध गर्नेमाथि कारबाही गर्ने चेतावनी दिएपछि कांग्रेस नेता सिंहले आपत्ति प्रकट गरेका हुन् । नेता सिंहले आफ्नै दल नेतृत्वको सरकारको आलोचना गरेका हुन् ।

नेता सिंहले सरकारले नागरिकको अभिव्यक्ति स्वतन्त्रता माथि अंकुश लगाउन खोजे को होकी भनेर नागरिक स्थरमा आलोचना सुरु भएको बताउँदै सरकार यो विषयमा गम्भिर हुनुपर्ने बताएक छन् ।

नेपाली कांग्रेस सिन्धुपाल्चोकले काठमाडौँमा सोमबार आयोजना गरेको अन्तक्र्रिया कार्यक्रममा नेता सिंहले स्वतन्त्रताको वकालत गर्ने पार्टी कांग्रेस भएकाले यस्ता विषयमा सोचेरमात्र सरकारले कदम चाल्नुपर्ने बताए ।

उनले गृहमन्त्रालयबाट बोल्नै नपाउने गरी विज्ञप्ती निकाल्नु आपतिजनक भएको टिप्पणी गरे । उनले भने ‘सरकारले जनताको दुःखमा साथ दिनु पर्दछ । सँधै जनाताको पक्षमा हुनुपर्दछ,’ उनले भने, ‘गृहमन्त्रालयबाट बोल्नै नपाउने गरी विज्ञप्ती निकाल्नु आपति जनक छ । यसमा सरकार सच्चिनु पर्दछ ।’

नेता सिंहले राष्ट्र संकटमा पर्दा जहिले पनि नेपाली काग्रेसले महत्वपूर्ण भूमिका निर्वाह गरेको बताउँदै देश र लोकतन्त्रका लागि कांग्रेस मजबुत हुनुपर्ने धारण राखे ।

नेतृत्व गर्ने नेता कमजोर भए पार्टीले जति राम्रो काम गरे पनि नतिजा राम्रो लिन नसक्ने उनको भनाइ छ । उनले समय अनुसार पार्टीको नेतृत्व परिवर्तन हुनुपर्ने बताए । १३ औं महाधिवेशशनपछि कांग्रेस कमजोर हुँदा देशमा लोकतान्त्रिक पद्धती पनि कमजोर भएको उनको टिप्पणी थियो ।