काठमाडौँ— चिकित्सा शिक्षा आयोगले सञ्चालन गरेको एमबीबीएस प्रवेश परीक्षाको परीक्षाफल प्रकाशित गरेको छ ।

एमबीबीएसको प्रवेश परीक्षामा विश्वनिकेतन माध्यमिक विद्यालमा कक्षा ११ र १२ मा विज्ञान विषय लिएर पढेका आशिक झा उत्कृष्ट भएका हुन् । धनुषा स्थायी घर भएका झाले २ सय पूर्णांकमा १ सय ८६ अंक प्राप्त गरेका उत्कृष्ट बन्न सफल भएका हुन् ।

उत्कृष्ट अंक हासिल गरेसँगै झाले चिकित्सा शिक्षा अध्ययनका निम्ति सरकारले प्रदान गर्ने पूर्ण छात्रवृत्ति पाएका छन् । प्रवेश परीक्षामा देशभरबाट सहभागी भएका ११ हजार प्रतिस्पर्धीलाई उछिन्दै सर्वोत्कृष्ट बनेका हुन् ।

आयोगले पहिलो पटक एमबीबीएसका लागि पहिलो पटक प्रवेश परीक्षा लिएको हो । प्रवेश परीक्षामा उत्कृष्ट भएका झालाई विश्वनिकेतन माविका प्रधानाध्यापक हेडम्बराज कडेलले झा अत्यन्तै मेहनती विद्यार्थी भएको बताए ।

प्रधानाध्यापक कडेलले झालाई बधाई तथा शुभकमना समेत दिएका छन ।