काठमाडौँ- प्रधानमन्त्रीका प्रेस सल्लाहकार सूर्य थापाले राजेन्द्र महतोको समर्थन नहुँदा सत्तामा जना नपाएकाहरूको वक्तव्यवाजी हेर्न लायक भएको टिप्पणी गरेका छन् ।

आइतवार बिहान ट्वीट गर्दै थापाले प्रायः गठबन्धान सरकारका मन्त्रीहरूका अभिव्यक्ति विवादास्पद हुने गरेको तर महतोले त्यसलाई दुई दिनमै सच्याएको पनि बताएका छन् ।

उनले भनेका छन्, ‘​प्राय: नै गठबन्धन सरकारमा मन्त्रीहरूका अभिव्यक्ति विवादास्पद हुने गरेका पाइन्छन् । उपप्रधानमन्त्री राजेन्द्र महतो त्यसका पछिल्लो पात्र बने, तर दुई दिनमै गल्ती सच्याए । महतोको समर्थन नपाई सत्तास्वार्थ पूरा गर्न नसकेर वक्तव्यवाजी गर्नेहरूको बुमेराङ साँच्चै हेर्न लायक छ ! ‘

उपप्रधानमन्त्री एवं शहरी विकास मन्त्री महतोले कार्यभार समाल्ने क्रममा र शनिबार पनि एक कार्यक्रममा आफू बहुल राष्ट्रिय राज्यको अभियानमा रहेको बताएका थिए । तर त्यसको चौतर्फी आलोचना भएपछि उनले शनिबार राति नै विज्ञप्ति जारी गर्दै राष्ट्रिय एकता र अखण्डताप्रति आफू पूर्ण प्रतिबद्ध रहेको प्रष्ट्याएका छन् ।

प्राय: नै गठबन्धन सरकारमा मन्त्रीहरूका अभिव्यक्ति विवादास्पद हुनेगरेका पाइन्छन्। उपप्रधानमन्त्री राजेन्द्र महताे त्यसका पछिल्लो पात्र बने,तर दुई दिनमै गल्ती सच्याए।
महताेकाे समर्थन नपाई सत्तास्वार्थ पूरा गर्न नसकेर वक्तव्यवाजी गर्नेहरूकाे बुमेराङ साँच्चै हेर्नलायक छ! pic.twitter.com/WCp1Kyxj7m

— Surya Thapa (@ThapajiSurya) June 6, 2021