मकवानपुर- १२ किलो गाँजासहित मकवानपुरको काक्सिराङ गाउँपालिकाबाट प्रहरीले तीन जनालाई पक्राउ गरेको छ ।
जिल्ला प्रहरी कार्याल मकवानपुरका अनुसार पक्राउ पर्नेमा मकवानपुर कैलाश गाउँपालिका–७ का ४७ वर्षीय हिराबहादुर मोक्तान, २४ वर्षीय रामकुमार मोक्तान र २४ वर्षीय ठाकुर सुनार छन् ।
एसपी सोमेन्द्रसिंह राठौरका अनुसार प्रहरी चौकी चैनपुरबाट खटिएको टोलीले शनिबार दिउँसो उनीहरूलाई काक्सिराङ गाउँपालिका–५ बाट पक्राउ गरेको हो ।
पैदल हिँडिरहेका उनीहरूले बोकेको झोलामा १२ किलो ३ सय ग्राम गाँजा फेला परेको प्रहरीले जनाएको छ ।
प्रतिक्रिया