मोरङ- विराटनगरस्थित नोबेले मेडिकल कलेजमा उपचाररत एक संक्रमित महिलाको मृत्यु भएको छ ।
विराटनगर महानगरपालिका–५ कोचाखालकी कोरोना भाइरस सङ्क्रमित ती महिलाको रक्तश्राव नरोकिँदा मृत्यु भएको प्रबन्धक नारायण दाहालले जानकारी दिए ।
३७ वर्षीया महिलाको नोबेल शिक्षण अस्पतालमा उपचारका क्रममा बुधबार राति ९:३० बजे मृत्यु भएको दाहालले बताए ।
पाठेघरमा भएको सङ्क्रमणका कारण महिलालाई रक्तश्रावको समस्या देखा परेको पाइएको उनको भनाइ छ । दाहालका अनुसार रक्तश्राव नरोकिएर स्वास्थ्य अवस्था जटिल बन्दै गएपछि कोरोना सङ्क्रमित महिलालाई उपचारका लागि भर्ना गरिएको थियो ।
प्रतिक्रिया