काठमाडौं–साइबर ब्युरोले कलाकारहरूको फेसबुक ह्याक गरेको आरोपमा १४ वर्षीय एक बालकलाई सोमबार पक्राउ गरेको छ ।
प्रहरीले दीपाश्री निरौला, सरोज खनाललगायतका कलाकारको फेसबुक ह्याक गरेको आरोपमा पर्सा बहुदजरमाई नगरपालिका–५ बस्ने १४ वर्षीय बालकलाई पर्साबाटै पक्राउ गरेको हो ।
प्रहरी वरिष्ठ उपरीक्षक (एसएसपी) नविन्द अर्यालले निरौलालगायत केही कलाकारहरूको फेसबुक ह्याक गरी साथीहरूसँग पैसा माग गरेको भन्दै प्रहरीमा जाहेरी दिएपछि त्यही जाहेरीको आधारमा प्रहरीले ती बालकलाई पक्राउ गरेको बताए ।
उनका अनुसार प्रहरीले बालकलाई जिल्ला अदालत काठमाडौंको पक्राउ अनुमतिमा जिल्ला प्रहरी कार्यालय पर्साको सहयोगमा पर्साबाट पक्राउ गरेको हो ।
प्रतिक्रिया