दोहा– मलेसियाको सडकमा अलपत्र परेका एक नेपाली युवा स्वदेश फर्किएका छन् । धादिङ्ग घर भएका पेरित तामाङ बिगत लामो समयदेखि मलेसियामा सडक मान्छे बनेर भौतारिइरहेका थिए ।

करिब ३४ महिना अघि मलेसियाको स्थानीय पत्रिकाले दुर्घटनामा परि एक नेपाली शक्त घाइते भनी उनको बारेमा लेखेपछि उनको खोजिकार्य भएको थियो । धेरै भन्दा धेरै नेपालीहरुले उनको अवस्था पत्ता लगाउन जनउद्धार केन्द्र लाई फोन, म्यासेज बाट आग्रह गरेका थिए ।

अवैधानिक रुपमा रहेका उनलाई जसरी पनि स्वदेश फर्काउनु पर्ने थियो तेसैले मलेसिया अध्यागमन विभागमा चाहिने कागजि र कानुनी प्रक्रिया पूरा गरी जनउद्धार केन्द्र मलेसियाले पेनाङ्गदेखि क्वालालम्पुर विमानस्थल सम्मको खर्च समेत उपलब्ध गराएको केन्द्रका अध्यक्ष केशु थापाले बताए ।

मलेसियास्थित नेपाली दूतावासले यात्रा अनुमानि पत्र निशुल्क उपलब्ध गराइदिए पछि हिमालयन एअरलाइन्सको उडान मार्फत उनलाई स्वदेश पठाइएको केन्द्रका अध्यक्ष थापाले बताए ।