भूकम्पले क्षतिपुगेको काठमाडौँको घण्टाघरस्थित त्रिचन्द्र क्याम्पसको पुनर्निर्माण गर्न सरकारले चासो नदेखाएको भन्दै विद्यार्थीहरुले क्याम्पस परिसरमा आइतबार प्रदर्शन गरेका छन् ।

नेविसंघ त्रिचन्द्र क्याम्पसको नेतृत्वमा विद्यार्थीहरुले क्याम्पसको यथाशीघ्र पुनर्निर्माणको माग गर्दै प्रदर्शन गरेका हुन् ।

‘धरहरा प्राथमिकताको क्षेत्रमा पर्छ, शैक्षिक क्षेत्र किन पर्दैन ?’ , ‘प्रधानमन्त्रीज्यू तपाईले पढेको क्याम्पसको पुननिर्माण कहिले ?’ , पुनर्निर्माण प्राधिकरण कहिलेसम्म आखाँमा छारो, काममा तेल ?’ लगायत लेखिएका प्लेकार्डसहित विद्यार्थीहरु प्रदर्शनमा उत्रिएका थिए ।

नेविसंघ त्रिचन्द्र इकाइ कमिटीका अध्यक्ष सानु सिवाकोटीले क्याम्पसको पुनर्निर्माणका लागि सरकारको ध्यानाकर्षण गराए पनि नसुनेको बताए । उनले सरकारले नसक्ने भए सवै बिद्यार्थी मिलेर क्याम्पसको पुनर्निर्माण गर्ने बताए ।

चन्द्र शमशेरले निर्माण गरेको कलेज भूकम्पपछि जीर्ण अवस्थामा पुगेको छ ।

हेरौँ केही तस्वीरहरु