आवश्यक सामग्री :

१ किलो सानो पीसमा काटेको काउली, १०० ग्राम मैदा, आधा चम्चा नुन, ५० ग्राम कर्नफ्लोर पाउडर, १ चुट्की अजिनोमोटो, १ चम्चा खोर्सानीको धुलो, १/१ चम्चा जिरा, धनियाँको धुलो, आधा चम्चा बेसार र तार्नको लागि पुग्ने तेल ।

ग्रेबी सस बनाउने सामग्री :

१०० ग्रम सुकेको प्याज, १ मुठा हरियो प्याज मसिनो गरी काटेको (भए मिक्सचरमा पिसेको) १/१ चम्चा अदुवा लसुनको पेष्ट, १ चौथाई चिया चम्चा मरिचको धुलो, १ चुट्की अजिनोमोटो, १ चम्चा चिनी, १ चम्चा भेजिटेबल स्टाक, २ चम्चा सोयासस, १ चम्चा कर्नफ्लोर, २ चम्चा तेल, नुन इच्छानुसार, हरियो धनियाँ ।

बनाउने तरिका :

काउलीलाई धोएर उमालेको पानीमा नुन र अजिनोमोटो राखी १० मिनेट जति छोपी राख्नु र अन्य सामग्रीलाई एक बलमा राम्रोसँग फिटी लेजम बनाउनु । अब काउलीको पानी निचोरी एक एक गरी तेलमा गोल्डेन कलर गरी फ्राई गर्नु । अर्को भाँडोमा २ चम्चा तेल तताई प्याज, लसुन, अदुवाहरू राखी चलाउनु साथै भेजिटेबल, स्टक सोयासस, चिनी नुन अजिनोमोटो राखी ५, ६ मिनेट जति पकाउनु, आधा कप पानीमा कर्नफ्लोर घोली त्यसैमा राखी पुनः ३/४ मिनेट जति पकाउनु । अब फ्राई गरेको काउली पकौडा राखी हरियो धनियाँ छरी ताततातै सर्ब गर्नुहोस् ।

साभार : ‘सजिलो कुकिङ’ पुस्तकबाट