बुटवल– रुपन्देहीमा पछिल्लो २४ घण्टामा थप ५ सय ८७ जनामा कोरोना भाइरसको संक्रमणको पुष्टि भएको छ भने सोही अवधिमा १३ जना संक्रमितले ज्यान गुमाएका छन् ।

जिल्ला स्वास्थ्य कार्यालय रुपन्देहीले दिएको जानकारी अनुसार आज थपिएका संक्रमितसँगै सक्रिय संक्रमितको संख्या ४ हजार ९ सय ५५ पुगेको छ ।

हालसम्म जिल्लामा मृत्यु हुनेको संख्या २ सय ३३ पुगेको छ । एकै दिन १ हजार ३२९ जनाको पीसीआर परिक्षण गरिएको थियो । स

बैभन्दा धेरै बुटवल उपमहानगरपालिकामा कोरोना संक्रमित देखिएका छन् । तथ्याङ्कअनुसार जिल्लामा २ सय ५५ जनामा कोरोना भाइरस संक्रमणको पुष्टि भएको छ ।

त्यस्तै सिद्धार्थ नगर नगरपालिकामा ६७ जना, तिलोत्तमा नगरपालिकामा १ सय ३६ जना, सियारीमा ५, देवदहमा ३६, गैडहवामा ३ र मायादेवीमा ३ जनामा संक्रमण देखिएको छ ।

यसैगरी सैनामैनामा ३३ जना, ओमसतियामा ७ जना, कञ्चनमा १२ जना, रोहिणीमा ५ जना, लुम्बिनी साँस्कृतिक नगरपालिकामा २ जना, शुद्धोधन गाउँपालिकामा १३ जना र कोटहिमाई गाउँपालिकामा एक जनामा कोरोना संक्रमण पुष्टि भएको कार्यालयले जनाएको हो ।