काठमाडौँ– भारतको सिक्किम नजिक बिनादूरी भन्ने स्थानलाई केन्द्रविन्दु बनाएर सोमबार राति भूकम्प गएको छ।

पूर्वी नेपालमा उक्त भूकम्पको ठूलै धक्का महसुस भएको जनाइएको छ । भारतीय सञ्चार माध्यमहरुका अनुसार सिक्किम नजिक केन्द्रविन्दु भएर ५.४ रेक्टर स्केलको भूकम्प गएको छ।

पूर्वी नेपाल स्थानीयहरुले सामाजिक सञ्जालमा भूकम्पको ठूलै धक्का महसुस भएको लेखेका छन् । उनीहरुले भूकम्पको धक्का महशुस भएसँगै घरबाहिर निस्किएको जनाएका छन् ।

भारतीय सञ्चार माध्यमहरुले बिहारमा पनि भूकम्पको धक्का महसुस भएको उल्लेख गरेका छन्।

राष्ट्रिय भूकम्प मापन केन्द्रका अनुसार भारतको बिनादुरी भन्ने स्थानलाई केन्द्रबिन्दु भएर नेपाली समय अनुसार राति ९ बजेर ४ मिनेटमा भूकम्प गएको हो ।

उक्त क्षेत्र नेपाल र सिक्किमको सिमा नजिकै पर्छ । नेपालको सीमा नजिकै भूकम्प गएको हुँदा धक्का पूर्वी नेपालमा कडा महसुस भएको हो । भूकम्पको धक्का काठमाडौंमा पनि सामान्य महसुस भएको छ ।

भूकम्पबाट भएको क्षतिबारे विस्तृत विवरण आउन बाँकी छ ।