काठमाडौं– गीतकार तारा अधिकारीले आफ्नै निर्देशनमा नयाँ गीत ‘पल पल’ को भिडियो सार्वजनिक गरेकी छन् ।
गीतमा गैरे सुरेशको संगीत, ताराकै शब्द तथा प्रताप दासको स्वर र राजन इशानको एरेञ्ज छ ।
भिडियोमा तारासँगै नेपालकी पहिलो नायिका भुवन थापा चन्द र शिशिर भण्डारी फिचर्ड छन् । भिडियोमा भण्डारी मेडिकल डाक्टरको भूमिकामा छन् ।
शिव ढकालको छायांकन र नहकुल खड्काको सम्पादन रहेको भिडियोमा सत्यम रानाको भीएफएक्स र राजेन्द्र मोक्तानको कलर ग्रेडिङ छ ।
अभिनेत्री भुवन, फिल्म निर्देशक रमेश थापा र गीतकार तारा अधिकारीको संयुक्त कम्पनी चन्द्र विनायक फिल्म प्रोडक्शनले भिडियो निर्माण गरेको हो ।
प्रतिक्रिया