काठमाडौँ– नेपाली कांग्रेसका प्रवक्ता विश्वप्रकाश शर्माले विप्लव समूहले राज्यलाई हतियार नबुझाएकोप्रति लक्षित गर्दै चौथो बुँदा खोइ भन्दै प्रश्न गरेका छन् ।

सरकार र नेत्रविक्रम चन्द विप्लवबीच भएको सहमतिमा हतियार बुझाउने बुँदा उल्लेख नभएकोप्रति उनले प्रश्न गरेका हुन् ।

उनले प्रधानमन्त्री केपी शर्मा ओलीलाई मेन्सन गर्दै सिंगो मुलुकले यसको जवाफ चाहेको बताएका छन् ।

आज सरकार र विप्लव समूहबीच भएको तीन बुँदे सहमतिपछि  प्रवक्ता शर्माले ट्वीटरमा लेखेका छन्– ‘प्रचण्ड आउँदा खोलाले बगायो, थोरै हतियार, विप्लव आउँदा पूरै ? राज्यलाई हतियार बुझाउने चौथो बुँदा खोइ ? सिंगो देश चाहन्छ यो गम्भीर प्रश्नको जवाफ !!’

उनले सरकार र विप्लव समूहबीच भएको सहमतिलाई स्वागत भन्दै लेखेका छन्, ‘०२८ मा केपी-सीपी,०५२ मा प्रचण्ड-बाबुराम, अहिले विप्लव-प्रकाण्ड l `रेड बुक´, नाम र काम उस्तै,परिणाम उस्तै !’

उनले कम्युनिस्ट दर्शनका नाममा कोहि नेपाली अब मारिने छैनन्, साझा उद्घोष गर्ने बेला भएन कमरेडहरु ? भन्दै प्रश्न समेत गरेका छन् ।

प्रचण्ड आउँदा `खोलाले बगायो´ थोरै हतियार,
विप्लव आउँदा पुरै ? राज्यलाई हतियार बुझाउने चौथो बुंदा खोइ @PM_Nepal ?

सिंगो देश चाहन्छ यो गम्भीर प्रश्नको जवाफ !!

— Bishwa Prakash शर्मा (@bishwaprakash77) March 5, 2021

सहमतिलाई स्वागत l ०२८ मा केपि-सिपि,०५२ मा प्रचण्ड-बाबुराम,अहिले विप्लव-प्रकाण्ड l `रेड बुक´, नाम र काम उस्तै,परिणाम उस्तै !

नेपालको पुरै कम्युनिस्ट आन्दोलनलाई आजको मितिमा केवल एक प्रश्न- कम्युनिस्ट दर्शनका नाममा कोहि नेपाली अब मारिने छैनन्,साझा उद्घोष गर्ने बेला भएन कमरेडहरु ?

— Bishwa Prakash शर्मा (@bishwaprakash77) March 5, 2021