काठमाडौं – केपी शर्मा ओली समूहको नेपाल कम्युनिस्ट पार्टी (नेकपा) ले आज (शुक्रवार) काठमाडौंमा आमसभा गर्‍यो ।

आज आयोजना गरिएको आमसभामा हजारौंको संख्यामा केपी ओलीका समर्थक उपस्थित थिए । उपस्थित समर्थकले  केपी ओलीका पक्षमा नारा लगाएका थिए । केपी ओली मञ्चमा चढ्दा राष्ट्रिय गान बजाइएको थियो ।

नेकपाले सडक अवरुद्ध गरेर नारायणहिटी दरबार संग्रहालय अगाडि आमसभा गरेको थियो ।

आमसभामा सहभागीहरु दरबारमार्गदेखि घण्टाघरसम्म थिए भने यो क्षेत्रमा मान्छेहरुको पनि बाक्लो उपस्थिति थियो ।

कार्यक्रम सकिएपछि नेकपाका स्वयंसेवकहरुले सडक सफा गरेका थिए भने केहीले चटपट बेचिरहेका थिए ।

नारायणहिटीअगाडि अरु दिनका तुलनामा बेग्लै दृश्य देखिएको थियो । आमसभामा उपस्थित कार्यकर्ताले केपी ओलीका पोस्टरसँग तस्वीर खिचाइरहेका थिए ।

हेर्नुहोस् थप तस्वीरः