काठमाडौँ- नेपालको इतिहाससँग जोडिएका एकीकृत पदमार्ग, सम्पदा, गढी, किल्ला संरक्षणमा एकीकृत कार्ययोजना बनाउने उद्देश्यले सैनिक मुख्यालयमा एकीकरण मार्ग बृहत् सेमिनार सुरु भएको छ।

‘एकीकरण मार्गको चाहना, राष्ट्रिय एकताको भावना’ भन्ने मूल नारासहित सेमिनारको प्रधानसेनापति पूर्णचन्द्र थापाले बिहीबार जङ्गी अड्डामा शुभारम्भ गरेका छन् ।

नेपालको संविधानमा सेनालाई निर्दिष्ट गरिएको जिम्मेवारी अन्तर्गत ऐतिहासिक धरोहरको संरक्षण र सम्वर्द्धनमा योगदान पुर्‍याउने उद्देश्यले सेमिनारमार्फत सेनाले उक्त कामको अग्रसरता लिएको जानकारी दिइएको छ।

राष्ट्रनिर्माता पृथ्वीनारायण शाहले नेपालको एकीकरणका क्रममा प्रयोग गरेको बाटोलाई एकीकरण पद मार्गका रुपमा विकास गरी समृद्धिसँग जोड्ने सेनाको लक्ष्य छ ।