काठमाडौँ– नेकपा एमाले अध्यक्ष केपी शर्मा ओलीले एमालेलाई सिद्धाउने सपना नदेख्न सुझाव दिएका छन् ।

‘गन्तव्य मध्यपुर थिमी’ पुस्तक विमोचन कार्यक्रमलाई बिहीबार भक्तपुरमा सम्बोधनका क्रममा ओलीले भ्याकुम लगाएर एमाले बढार्ने सपना नदेख्न आग्रह गरे ।

सिंगै कांग्रेसले पनि एमालेसँग नसक्ने भन्दै एक दुई जनाले भन्दैमा एमालेलाई केही फरक नपर्ने उनले बताऐ ।

त्यस्तै उनले प्रचण्डले आफूलाई गणतन्त्रको विरोधी भन्दै गरेको टिप्प्णीको जवाफ दिँदै प्रचण्डले गणतन्त्र भन्नुभन्दा २५ वर्ष अगाडि नै आफूले गणतन्त्रको अभियान चलाएको दाबी गरे । उनले मुलुकमा बिकासको काममा असाधारण काम गरे पनि सरकारबाट हटाइएको बताए ।

कार्यक्रमपछि एमाले अध्यक्ष ओलीलगायतका एमाले नेताहरुले भक्तपुरको थिमिस्थीत नेपाल संवतका प्रवर्तक शंखधर साख्वाको प्रतिमामा माल्यार्पण गरेका छन् ।