मुम्बई(एबीपी लाइभ)– अभिनेता अक्षय कुमारको फिल्म ‘बेल बटम’को ट्रेलर हेरेका दर्शकलाई अभिनेत्री लारा दत्तले ‘सरप्राइज’ दिएकी छन् । सन् १९८४ को घटनामा आधारित एक स्पाई थ्रिलरमा फिल्ममा लाराले पूर्व प्रधानमन्त्री इन्दिरा गान्धीको भूमिका निभाएका छन् ।

फिल्मको ट्रेलरमा पहिलोपटक पूर्व प्रधानमन्त्रीको रुपमा ४६ वर्षीया अभिनेत्रीको अनस्क्रिन ट्रान्सफरमेसनको खुलासा भएको हो । उनको लुक्स देखेर सामाजिक सञ्जाल प्रयोगकर्ता चकित भएका छन् ।

पूर्व मिस युनिभर्स लारालाई फिल्मको ट्रेलरमा गान्धी लुक्समा जोकोहीलाई चिन्न गाह्रो पर्छ । उनी वास्तविक गान्धीको जस्तो देखिएकी छन् ।

ट्वीटरमा प्रयोगकर्ताले अलग अलग किसिमका प्रतिक्रिया दिएका छन् ।

प्रयोगकर्ताले लाराको मेकअप आर्टिस्टको तारिफ गरेका छन् । ती आर्टिस्टलाई राष्ट्रिय अवार्ड दिनुपर्ने उनीहरुको माग छ ।

फिल्ममा अक्षय एक अण्डरकवर ‘र’ एजेण्टको भूमिकामा छन् । अभिनेत्री वाणी कपूर अक्षयको श्रीमतिको भूमिकामा छिन् । फिल्ममा हुमा कुरैशीको पनि अभिनय छ ।

सत्यघटनामा आधारित यो फिल्म अगष्ट १९ बाट थिएटरमा रिलिज हुँदैछ ।