क्यानवेरा– अस्ट्रेलियाको राजधानी क्यानवेरामा सक्रिय दुई नेपाली क्रिकेट क्लब बुद्ध नेपलिज र ब्रदर्श यूनाईटेडको सहकार्यमा रक्तदान कार्यक्रम सम्पन्न भएको छ ।

नेप्लिज वल्ड डोनर एसोसिएशन अस्ट्रेलियाको पहलमा क्यानवेराको ज्ञारेनमा अवस्थित लाईफ ब्लड डोनर सेन्टरमा भएको रक्तदान कार्यक्रममा दुई क्लबका १६ खेलाडीले रक्तदान गरेको एसोसिएशनका सदस्य ललीत मल्लले जानकारी दिए ।

रक्तदानमा सहभागी खेलाडी एवंम स्वयंसेवक सुरेश सुवेदी, विशाल बस्नेतले कोभिड कहरकाबीच रक्तदान गर्न पाएकोमा खुसी ब्यक्त गरे । खेलाडीहरूले आगामी दिनमा पनि रक्तदान जस्तो मानव जीवनसँग जोडिएको पवित्रकार्यलाई जारी राख्ने बताएका छन ।

कोभिडका कारण रगतको अभाव देखिएपछि अस्ट्रेलियन रेडक्रसले रक्तदान गर्न आह्वान गरिरहेको बेला नेपाली समुदायमा सक्रिय विभिन्न संघसंस्था तथा व्यक्तिले रक्तदान जारी राखेका छन् । यसअघि चितवन समाज अस्ट्रेलियाले पनि सिड्नीमा रक्तदान कार्यक्रम सञ्चालन गरेको थियो ।