जनकपुरधाम – पूर्व सांसद एवं कम्यूनिष्ट नेता विष्णुबहादुर तामाङ (बीएल वाइबा) ७८ वर्षको उमेरमा निधन भएको छ । सिरहाको कर्जन्हा नगरपालिका ५ घर भएका पूर्व सांसद तामाङको बिहीवार राति निधन भएको हो ।

पछिल्लो समय कोरोना संक्रमित तामाङ उपचारपछि निको भइसकेका बेला सुगरको मात्रा बढेपछि झापाको दमकस्थित आम्दा अस्पतालमा उपचाररत अवस्थामा निधन भएको हो । कर्जन्हा ५ का वडाध्यक्ष भुषण खातीका अनुसार गाउँमै तामाङको दाहसंस्कार गरिनेछ ।

तामाङ २०४८ सालको आम निर्वाचनमा सिरहा क्षेत्र नम्वर ५ बाट तत्कालिन संयुक्त जनमोर्चाबाट निर्वाचित भएका थिए । जनमोर्चामै रहेर राजनीति गरिरहेका उनलाई माओवादी अध्यक्ष पुष्पकमल दाहाल ‘प्रचण्ड’ सिरहाबाट चुनाव लडेपछि माओवादीमा ल्याइएको थियो ।