काठमाडौँ – पत्रकार ऋषि धमलाको पहलमा धादिङका विभिन्न स्वास्थ्य संस्थामा स्वस्थ्य सामग्री प्रदान गरिएको छ । पत्रकार धमलाका अनुसार धादिङको निलकण्ठ नगरपालिका, जिल्ला अस्पताल र ज्यामरुङ स्वास्थ्य चौकीमा स्वास्थ्य सामग्री सहयोग गरिएको हो ।

जिल्ला अस्पतालको लागि ५ वटा अक्सिजन सिलिण्डर सहयोग गरिएको छ । त्यस्तै, नगरपालिकाको स्वास्थ्य चौकीमा १० वटा अक्सिजन सिलिण्डर, ५ हजार थान सर्जिकल माक्स, १ सय ५० पिस ग्ल्ब्स, फेसियल २० वटा र केएन नाइन्टीन फाइभ माक्स १० वटा, रियूजेवल ग्राउन १० र एन्टीजेन किट २ सय सहयोग गरिएको हो ।

पत्रकार धमलाले भने, ‘कोरोना संक्रमित बढ्दै गएपछि उपचारमा सहज होस भनी सहयोग गरिएको हो ।’ कुनै पनि नागरिकलाई कोरोना संक्रमणका कारण मर्न नपरोस भनेर आफूले पहल गरी सहयोगको अभियान संचालन गरेको उनले बताए ।

धमलाले धादिङका जनतालाई रोग र भोकबाट बचाउनको लागि आफूले सक्दो सहयोग गर्ने पनि प्रतिबद्धता जनाए ।