झापा– चट्याङ् लागेर झापामा एक प्रहरीको मृत्यु भएको छ ।
सोमबार राति परेको चट्याङ् लागेर किचकबध प्रहरी चौकीका इन्चाज प्रहरी सहायक निरीक्षक महादेव ठाकुरको मृत्यु भएको जिल्ला प्रहरी कार्यालय झापाले जनाएको छ ।
राति १० बजे गस्तीमा रहेका बेला उनलाई चट्याङ् लागेको थियो ।
यस्तै पौडी खेल्ने क्रममा झापाकै शिवसताक्षी ८ का एक युवाको मृत्यु भएको छ ।
डुँडामारीका २८ वर्षीय जीवन थाम्सुहाङ्को माइखोलामा पौडी खेल्ने क्रममा डुबेर मृत्यु भएको हो ।
सोमबार साथीहरुसँग पौडी खेल्ने क्रममा डुबेर बेपत्ता भएका उनको शव सोमबार राति शिवसताक्षी १० स्थित बाँधबाट करिव ५ मिटर दक्षिण फेला परेको इलाका प्रहरी कार्यालय झिलझिलेले जनाएको छ ।
प्रतिक्रिया