काठमाडौँ– नेपाल डेमोक्रेटिक युनियनले वर्मेली सैन्य तख्तापलटविरुद्ध ध्यानाकर्षण भएको जनाएको छ ।

म्यानमारमा बन्दूकको बलमा जननिर्वाचित सरकारलाई अपदस्थ गरी सत्ता कब्जा गरेको अवैधानिक सैनिक सरकारले लोकतन्त्र र मानव अधिकारको पुनर्बहालीका लागि प्रदर्शन गरिरहेका म्यानमारका जनताको दिन–प्रतिदिन हत्या भईरहेको घटनाले शुब्ध भएको नेपाल डेमोक्रेटिक युनियनले जनाएको छ ।

युनियनले जारी गरेको विज्ञप्तिमा भनिएको छ, ‘कम्युनिष्ट चीनको सहमा बर्मिज जनतालाई जिउदै आगोमा फालेर मारिएको तथा ११ वर्षको बच्चा समेतलाई पनि मार्न छोडिएको छैन । महिला अधिकारकर्मीको छातीमा गोली हानी मारिएको छ । यो बिडम्बना हो सच्चिनुपर्छ ।’

युनियनले यतिको मान्छे मार्दै सैनिक प्रमुख मिन आंग लाइंग र तिनका जनरलहरुले रातभरी पार्टी गरिरहेको उल्लेख गर्दै वर्मालाई दोस्रो तिब्बत हांगकांग बन्नु दिनु नहुने जनाएको छ ।

युनियनले जारी गरेको विज्ञप्तिमा भनिएको छ, ‘लाखौँ नेपालीको बसोबास भएको म्यानमारमा सैनिक सरकारले मच्चाएको यस वितण्डाबाट नेपाली समुदाय समेत पीडित बनेको छ र हजारौं नेपाली म्यानमार छोडेर बाहिरिदैछन्, जो नेपाली मात्रका लागि थप चिन्तित र क्रुद्ध बनाउने घटना हो । नेपाल डेमोक्रेटिक युनियन यस घटनाको तीव्र निन्दा गर्दै सेनाद्वारा नजरबन्द गरिएकी जननिर्वाचित लोकतन्त्रवादी नेत्री आङ सान सुचीको तत्काल रिहाइ, उनको पार्टी एनएलडी माथीको प्रतिबन्ध फुकुवा र म्यानमारमा तत्काल प्रजातन्त्रको पुनर्बहालीको माग गर्दछ ।’

युनियनका संयोजक सिद्धार्थ गौतमले हस्ताक्षर गरेको विज्ञप्तिमा वर्मेली सेनाद्वारा भइरहेको यो सत्ताकब्जा, दमन र नरहत्याका पछाडि कम्युनिष्ट चीनको ‘मास्टर माइन्ड’ रहेको बारे विश्व समुदाय अवगत भइसकेको वर्तमान अवस्थामा कुनैपनि लोकतन्त्रवादी सरकार चुप लागेर बस्न नहुने जनाइएको छ ।